“Vilyarreal” himoyachisi Alberto Moreno YECHL 1/8 finalidan o‘rin olgan “Yuventus”ga qarshi birinchi o‘yindan avval o‘z fikrlari bilan o‘rtoqlashdi.

“O‘ylaymanki, bu har bir futbolchi o‘ynashni hohlaydigan o‘yin bo‘ladi. Biz doimo A Seriya va Chempionlar Ligasi uchun kurashadigan Yevropa gigantiga qarshi maydonga chiqamiz. Hozirda jamoamiz bilan yaxshi davrni boshdan kechirmoqdamiz va bu o‘yinga bo‘lgan ishonchimizni oshiradi.

Biz g‘alaba qozonishni xohlaymiz. O‘yinda qiyin bo‘lishi aniq, ammo jamoa bunday vaziyatlarda nima qilish kerakligini biladi. To‘pga egalik qilib, o‘yinni nazorat qilishni yaxshi ko‘ramiz. Barcha o‘yinga tayyor", - deya Morenoning so‘zlaridan iqtibos UEFA rasmiy sayti.