«Chelsi» hujumchisi Kay Xavers YECHL 1/8 finalida «Lill» jamoasiga qarshi o‘yin natijasi haqida o‘z fikrlari bilan o‘rtoqlashdi.

Germaniyalik hujumchi o‘yinning 8-daqiqasidayoq hisobni ochdi va «ko‘klar»ning 2:0 hisobida g‘alaba qozonishiga yordam berdi.

"Birinchi bo‘lim juda og‘ir kechgan bo‘lsada, yaxshi o‘yin ko‘rsatdik. Endigina yarim yo‘lni bosib o‘tdik, endi javob o‘yinida g‘alaba qozonishimiz kerak.

Bizda yaxshi hujumchilar ko‘p, bu biz uchun foydali, raqib uchun esa yomon. Bugun biz eng yaxshi o‘yinimizni ko‘rsata olmadik, shuning uchun ham oson bo‘lmadi. Odatdagidek tajovuzkor bo‘lmadik, ammo 2:0 hisobida g‘alaba qozondik. O‘ylaymanki, bizda yana bir sovrin yutish uchun yaxshi imkoniyat bor», — dedi Xavers UYEFA rasmiy saytiga.