«Челси» ҳужумчиси Кай Хаверц ЕЧЛ 1/8 финалида «Лилль» жамоасига қарши ўйин натижаси ҳақида ўз фикрлари билан ўртоқлашди.

Германиялик ҳужумчи ўйиннинг 8-дақиқасидаёқ ҳисобни очди ва «кўклар»нинг 2:0 ҳисобида ғалаба қозонишига ёрдам берди.

"Биринчи бўлим жуда оғир кечган бўлсада, яхши ўйин кўрсатдик. Эндигина ярим йўлни босиб ўтдик, энди жавоб ўйинида ғалаба қозонишимиз керак.

Бизда яхши ҳужумчилар кўп, бу биз учун фойдали, рақиб учун эса ёмон. Бугун биз энг яхши ўйинимизни кўрсата олмадик, шунинг учун ҳам осон бўлмади. Одатдагидек тажовузкор бўлмадик, аммо 2:0 ҳисобида ғалаба қозондик. Ўйлайманки, бизда яна бир соврин ютиш учун яхши имконият бор», — деди Хаверц УЕФА расмий сайтига.