Kelayotgan hafta Norvegiya terma jamoasi va Dortmundning "Borussiya" klubi hujumchisi Erling Xoland uchun muhim bo‘ladi. Bu haqda jurnalist Pako Delgado xabar tarqatmoqda.
Manbaning yozishiga qaraganda, "Real" rahbariyati futbolchisining vakillari bilan uchrashuv tashkil qilishni so‘ragan. Chunki, "qaymoqranglilar" norvegiyalik futbolchini o‘z safiga qo‘shib olish uchun jiddiy harakat qilmoqda.
Qayd etilishicha, "Real" Xolandni yana bir yil "Borussiya"da qolishin xohlamoqda. Chunki, Xolanddan oldin "Real" Mbappe bilan yirik shartnoma imzolab olmoqchi.
Biroq, madridliklar Xoland shu yilning yozida "Borussiya"dan ketadigan bo‘lsa, u holda "Manchester Siti" bilan shartnoma imzolashini ham o‘ylamoqda. Shu sababli, "Qirollik klubi"dagilarni boshi qotgan. Shuning uchun kelasi hafta futbolchining vakillari bilan jiddiy gaplashib olishmoqchi.
Xabarda aytilishicha, norvegiyalik hujumchining oldida beshta taklif turibdi: "Real", "Barselona", "Bavariya", "Manchester Siti" va "PSJ".
