«Barselona»ning sobiq sport direktori Karles Reksach Lionel Messining «PSJ»da o‘zini qulay his qilishiga ishonchi komil emas.
Reksach ko‘p sabablarga ko‘ra, «Barselona» tarixidagi muhim shaxs sanaladi. U "Barselona"da futbolchi, murabbiy, skaut, sport maslahatchisi va Yoxan Kroyffning yordamchisi bo‘lgan.
«Biz Messining "Barselona"ni tark etishi haqidagi haqiqatni haligacha bilmaymiz va vaqt o‘tishi bilan bu ma’lum bo‘lishiga ishonchim komil emas. Men uning faoliyati "Barselona"da yakunlanishini xohlardim", - dedi Reksach Super Radio Deportivo nashri bilan suhbatda.
"Messi jahon chempionatida g‘alaba qozonib, faoliyatini yakunlashi kerak. U bunga loyiq. Messi "PSJ"da o‘zini yaxshi his qilmayapti. "PSJ" - yollanma ishchilar jamoasi. Ular chiroyli yoki qiziqarli futbol o‘ynashmaydi. Ular nima uchun g‘alaba qozonishmoqda? Chunki bir kun Neymar, keyin Messi, keyin esa Mbappe gol kiritmoqda. Messi o‘zi xohlagan rolda "Barselona"ga qaytishi shart" - dedi Rexach.
