"Pari Sen-Jermen" klubi hujumchisi Kilian Mbappe Parij klubining navbatdagi shartnomani uzaytirish taklifiga rad javobini berdi. Bu haqda "Marca" nashri xabar berdi.

Manbaga ko‘ra, "PSJ" 23 yoshli fransiyalik futbolchiga soliqlardan tashqari 2 yilga 90 million yevrolik shartnoma taklif qilishgan.

Qayd etilishicha, tomonlar o‘tgan haftada o‘zaro uchrashuv o‘tkazishgan, ammo Mbappe bu safar ham taklifni rad etgan.

Fransiyalik yulduz joriy mavsum "PSJ" safida 33 o‘yinda maydonga tushib, 22 ta gol urdi va 16 ta golli uzatmani amalga oshirdi. "Transfermarkt" portali uni 160 million yevroga baholagan.