"Пари Сен-Жермен" клуби ҳужумчиси Килиан Мбаппе Париж клубининг навбатдаги шартномани узайтириш таклифига рад жавобини берди. Бу ҳақда "Marca" нашри хабар берди.

Манбага кўра, "ПСЖ" 23 ёшли франциялик футболчига солиқлардан ташқари 2 йилга 90 миллион евролик шартнома таклиф қилишган.

Қайд этилишича, томонлар ўтган ҳафтада ўзаро учрашув ўтказишган, аммо Мбаппе бу сафар ҳам таклифни рад этган.

Франциялик юлдуз жорий мавсум "ПСЖ" сафида 33 ўйинда майдонга тушиб, 22 та гол урди ва 16 та голли узатмани амалга оширди. "Transfermarkt" портали уни 160 миллион еврога баҳолаган.