"Napoli" bosh murabbiyi Luchiano Spaletti jamoasining Yevropa ligasi 1/16 finalida "Barselona"dan 2:4 hisobida uchralgan mag‘lubiyatdan so‘ng o‘z fikrlarini bildirib o‘tdi.
"Ikki erta goldan so‘ng biz o‘yinga qaytishga muvaffaq bo‘ldik, ammo tanaffusga qisqa vaqt qolganda uchinchi golni o‘tkazib yubordik va vaziyat yanada qiyinlashdi. Biz juda xafamiz. O‘yin oldidan katta hayajon bor edi, "Maradona omili"ni his qilish mumkin edi. Biz shunday vaziyatda o‘zimizning eng yaxshi futbolimizni ko‘rsatmoqchi edik, ammo, afsuski, buni uddalay olmadik", — deya Spaletti so‘zlarini keltiradi UYEFA rasmiy sayti.
Birinchi o‘yin durang bilan yakunlangandi – 1:1. Shu tariqa, “Barselona” Yevropa ligasining 1/8 finaliga chiqdi, “Napoli” esa turnirdagi ishtirokini yakunladi.
