«Yuventus» bosh murabbiyi Massimiliano Allegri A Seriyaning 27-turida "Empoli" (3:2) jamoasiga qarshi o‘yindan keyingi fikrlari bilan o‘rtoqlashdi.
«Dushan - muhim futbolchi. U tehnik tarafdan yorqin o‘yin namoyish etadi. Tarkibimizda bunday futbolchilar yo‘q edi.
Jamoamizda oldin yettinchi raqam ostida to‘p surgan futbolchi bilan Dushanni solishtirib bo‘lmaydi, chunki Ronaldu ajoyib martabaga ega edi. Vlaxovich o‘z sayohatining boshida turibdi va u ajoyib martaba qurish uchun hamma narsaga ega. Eng yuqori darajada qolish uchun psixologiya nuqtai nazaridan hayratlanarli darajada kuchli shaxs bo‘lish kerak.
Biz bugun texnik jihatdan eng yaxshi o‘yin o‘tkazmadik va hech qachon taslim bo‘lmaydigan jamoaga qarshi muammoga duch kelishimizni bilardik. Biz o‘zimizni qurbon qildik va endi bizda jarohat olib safdan chiqqan futbolchilar ko‘p. "Empoli"ni mehmonda mag‘lub etish har doim qiyin. Biz to‘pni yaxshiroq nazorat qilishimiz kerak, lekin men yaxshi tayyorgarlikni ko‘rdim.
Skudettoni qo‘lga kiritish uchun kamida 84-85 ochko jamg‘arish kerak. Bizning vazifamiz - kuchli to‘rtlikka kirish, buning uchun biz izchil ishlashimiz, qadamma-qadam olg‘a borishimiz kerak», - dedi Allegri DAZN telekanalida.
