Hujumchi Demba Bani eslaysizmi? Sentyabr oyida 36 yoshli senegallik faoliyatini yakunlagan edi. Ayni dam Demba futboldan uzoqda bo‘lmagan holda o‘zida yangi yumushlarni sinab ko‘rmoqda. U televideniyeda mutaxassis sifatida ishlayapti. Ba birinchi eshittirishidayoq tomoshabinlarni hayratda qoldira oldi. To‘g‘ri, noyob tahlillari bilan emas, balki yangi soch turmagi bilan.

Faoliyati davomida Ba shunday ko‘rinishda bo‘lganini hisobga olsak, bu g‘ayrioddiy ko‘rinishi mumkin.

Ammo Baning sovuqqonligini eslash uchun yaxshi sabablar yetarli. 2010 yillarning boshida senegallik futbolchilar Premyer-ligada ancha yorqin porlashdi va umuman olganda, Baning yo‘li ham juda qiziqarli bo‘lib chiqdi. Angliya va Germaniyadagi mavsumlarni barcha juda yaxshi xotiralar bilan eslasa kerak. Faoliyati tugaganidan keyin unga Moskvaning «Lokomotiv» klubidan taklif kelib tushgan.

2007 yilda «Xoffenxaym» bosh murabbiyi Ralf Rangnik senegallikning o‘yinini yoqtirib qoldi, o‘shanda Demba bo‘shab qolgan pozisiyada liderlikni o‘z qo‘liga olgandi. To‘rt yildan so‘ng hujumchi Angliyaga yo‘l oldi. 2011 yilning yanvarida Ba «Vest Xem» safiga kelib qo‘shildi va atigi olti oydan so‘ng londonliklar quyi ligaga tushib ketgani sababli «Nyukasl»ga ko‘chib o‘tdi. U yerda o‘z mahoratini yanada oshirib bordi. Baning Papiss Sisse bilan vujudga keltirgan super tandemi jamoa muxlislari yodida abadiy qoladi.

Ba gollar urishda davom etdi va 2013 yilning yanvarida «Chelsi»ga o‘tdi: u yerda senegallik u qadar ko‘p marta asosiy tarkibdan o‘rin olavermadi. Ammo baribir klub tarixida afsonaviy iz qoldirdi. Barcha muxlislar Stiven Jerrardning maydonda sirpanib ketgandagi xatosidan keyin Demba Baning «Liverpul» darvozasiga tarixiy golni urganini albatta eslashsa kerak.

Qizig‘i shundaki, Baning o‘zi dastlab urgan golini ancha past baholagan. U buni shunday eslaydi: «Men bu golning qadr-qimmatini bir necha yildan, odamlar bu haqda gapirishda davom etganidan keyin angladim va ular hali ham bu haqda gapirishmoqda. Bu meni xursand qiladi», - deydi Ba.

«Chelsi»dan keyin Ba bor e’tiborini pul ishlashga qaratdi desak to‘g‘ri bo‘ladi. U avvaliga Turkiyaga, keyinchalik esa Xitoyga yo‘l oldi. So‘nggi uch yil u Istanbulda o‘ynadi va hatto irqchilik bilan bog‘liq mojarolarga ham duch keldi. Lekin Ba barchasiga nisbatan jiddiy va sokin tempda munosabat bildirdi. Shundan so‘ng Shvesiyaning «Lugano» klubiga o‘tdi va uch o‘yindan keyin professional futbol bilan xayrlashdi.

«Barchaga minnatdorchilik bildirgan holda o‘z futbolchilik faoliyatimni yakunlaganimni e’lon qilaman. Qanday ajoyib sayohat! Ko‘p qiyinchiliklarni boshdan kechirganimga qaramay, futbol menga juda ko‘p ajoyib tuyg‘ularni hadya etdi. Muxlislarning ishtiyoqi va har bir goldan keyin tribunadagi shovqin-surondan tortib, maydon va uning tashqarisidagi insonlar bilan muloqotgacha. Barchasi mening qalbimda abadiy qoladi», - deydi Ba.

2021 yilning sentyabr oyida Rangnik Demba Bani «Lokomotiv»ga sport direktori lavozimiga chaqirayotgani haqida xabarlar tarqatdi. Ammo keyinchalik bular shunchaki mish-mish bo‘lib qoldi.