Germaniyaning "RB Leypsig" klubi Yevropa ligasining 1/8 final bosqichida Moskvaning "Spartak" klubiga qarshi o‘yinlar o‘tkazilishiga shubha bildirgan holda bayonot berdi.
"Biz "Spartak" bilan o‘yinlar bekor qilinadi deb taxmin qilamiz", - deyiladi "Leypsig" matbuot xizmati bayonotida.
Eslatib o‘tamiz, 10 mart kuni "RB Leypsig" - "Spartak" o‘yini Germaniyada bo‘lib o‘tishi, javob o‘yini esa bir haftadan so‘ng bo‘lishi rejalashtirilgan.
Avvalroq UYEFA Rossiya klublarini yevrokubok o‘yinlarini neytral maydonda o‘tkazish majburiyatini yuklashga qaror qilgandi. Ammo ayrim uyushmalar Ukrainadagi voqealar munosabati bilan Rossiyani xalqaro musobaqalardan butunlay chiqarib tashlashni talab qilmoqda.
