Германиянинг "РБ Лейпциг" клуби Европа лигасининг 1/8 финал босқичида Москванинг "Спартак" клубига қарши ўйинлар ўтказилишига шубҳа билдирган ҳолда баёнот берди.
"Биз "Спартак" билан ўйинлар бекор қилинади деб тахмин қиламиз", - дейилади "Лейпциг" матбуот хизмати баёнотида.
Эслатиб ўтамиз, 10 март куни "РБ Лейпциг" - "Спартак" ўйини Германияда бўлиб ўтиши, жавоб ўйини эса бир ҳафтадан сўнг бўлиши режалаштирилган.
Аввалроқ УЕФА Россия клубларини еврокубок ўйинларини нейтрал майдонда ўтказиш мажбуриятини юклашга қарор қилганди. Аммо айрим уюшмалар Украинадаги воқеалар муносабати билан Россияни халқаро мусобақалардан бутунлай чиқариб ташлашни талаб қилмоқда.
