"Barselona" yozda "Milan" yarim himoyachisi Frank Kessyeni o‘z safiga qo‘shib oladi.

25 yoshli yarim himoyachining "Milan" bilan shartnomasi mavsum oxirida tugaydi va u erkin agentga aylanadi.

Italiyalik insayder Janluka Di Marsioning xabar berishicha, Kataloniya klubi ivuarlik futbolchining transferi bo‘yicha muzokaralarni tezlashtirgan va unga yangi taklif bilan chiqqan.

"Barsa" Kessyega yiliga 6,5 million yevro to‘lashga tayyor.

Shuningdek, "Diario Sport" nashri transfer tafsilotlari deyarli kelishib olinganini ta’kidladi.

Kot-dIvuar terma jamoasi a’zosi bu mavsumda "rossonerilar" safida jami 26 ta o‘yinda ishtirok etib, 6 ta gol va bitta golli uzatmani amalga oshirdi.