"Барселона" ёзда "Милан" ярим ҳимоячиси Франк Кессьени ўз сафига қўшиб олади.
25 ёшли ярим ҳимоячининг "Милан" билан шартномаси мавсум охирида тугайди ва у эркин агентга айланади.
Италиялик инсайдер Жанлука Ди Марционинг хабар беришича, Каталония клуби ивуарлик футболчининг трансфери бўйича музокараларни тезлаштирган ва унга янги таклиф билан чиққан.
"Барса" Кессьега йилига 6,5 миллион евро тўлашга тайёр.
Шунингдек, "Diario Sport" нашри трансфер тафсилотлари деярли келишиб олинганини таъкидлади.
Кот-дИвуар терма жамоаси аъзоси бу мавсумда "россонерилар" сафида жами 26 та ўйинда иштирок этиб, 6 та гол ва битта голли узатмани амалга оширди.
