«Barselona» hujumchisi Usmon Dembele jamoada qolishi mumkin.

"Diario Sport" tarqatgan xabarga ko‘ra, fransiyalik futbolchi bosh murabbiy Xavi bilan yaxshi munosabatlarga ega. Mutaxassis unga o‘ynash imkoniyatini berayotganidan Usmon xursand. Dembele kataloniyaliklar bilan yangi shartnoma imzolash borasida kelishuvga erishishga harakat qiladi.

«Ko‘k-anorranglilar» hujumchiga nisbatan qisqa muddatli shartnoma taklif qilish variantini ko‘rib chiqmoqda. Jamoa maksimum 2 yillik shartnoma taklif qildi. Bu esa har ikki tomon qulay bo‘lishi mumkin. Ammo Usmon avvalo maosh borasidagi avvalgi talablaridan voz kechishi kerak. Chunki "Barsa" Dembelega 40 million yevro miqdorida yillik maosh to‘lashga qodir emas.

24 yoshli futbolchi La liganing joriy mavsumida 9ta o‘yinida ishtirok etib, bitta gol urdi va 5ta golga uzatma berdi.