Toshkentning “Olimpik” jamoasi bosh murabbiyi Timur Kapadze Superliga 1-turidan o‘rin olgan “Surxon”ga qarshi o‘yindan so‘ng (0:0) o‘z fikrlari bilan o‘rtoqlashdi.

-“Yangi mavsum boshlangani bilan barchani tabriklab, hamma jamoalarga omad tilayman. O‘yin qiziqarli bo‘ldi. Birinchi o‘yin bo‘lgani uchun futbolchilarimizda kichik xatolar va kamchiliklar bo‘lsa ham, bir nechta yaxshi imkoniyatlar yarata olishdi, afsuski ulardan foydalana olmadik. Superligning havosi boshqa, bunday o‘yinlar futbolchilarga ancha foydali. Xatolardan to‘g‘ri hulosa chiqarib, yaxshi tomonlarimizni yanada kuchaytirishga harakat qilamiz.

“Bizga legionerlarni keragi yo‘q. Maqsadimiz shunday o‘yinlar orqali ularni yanada tajribaliroq qilish va ishonchlarini oshirish. “Surxon”ga qarshi o‘yinda raqib haqida to‘liqroq ma’lumot ololmadik. Bu bizga halaqit berdi. Ammo o‘yindan-o‘yinga yanada kuchayib borishimizga ishonaman. Bu o‘yindan avval futbolchilarda ruhiy kamchilik bor edi, umid qilam endi bunday holat takrorlanmaydi.

Jismoniy holatimiz mavsum boshi bo‘lgani uchun optimal holatda emasdur, buni ham keying o‘yinlarda to‘g‘irlashga harakat qilamiz. Birinchi bo‘limni yaxshi boshladik keyinroq ruhiy bosim orqali o‘yinimiz biroz chiqmadi. Umuman olganda, biz jismoniy tarafdan yaxshi harakat qildik. Ko‘rinib turibdi “Surxon” bosh murabbiyi jamoani jismoniy tarafdan ancha kuchli qilgan, ammo ular ko‘satgan futbol menimcha ispan futboli emas. Men ulardan kombinasion o‘yin kutgandim, ular esa ko‘proq uzun paslar orqali o‘ynashga harakat qilishdi.

Futbolchilarim bundan ham yaxshiroq harakat qila oladi. Bunga aminman, faqatgina bosim bugun ularga halaqit qildi. O‘yinni ko‘rib chiqib, xatolarimizni tuzatishga harakat qilamiz.
Tajribali futbolchilar bilan shartnoma imzolasak bo‘ladi, ammo bu bizga kerak emas. Superligada oson o‘yinlar yo‘q. Shunday o‘yinlar orqali jamoaga kerakli narsalarni olamiz”, - dedi Kapadze jurnalistlar bilan bo‘lgan suhbatda.