Jamoa bilan shartnomasi mavsum oxirida tugaydigan "Barselona" yarim himoyachisi Serxi Roberto faoliyatini davom ettirish uchun turli variantlarini ko‘rib chiqmoqda. Bu haqda Marca xabar bermoqda.

Manbaga ko‘ra, 30 yoshli Roberto uchun ustuvor vazifa "Barselona"da qolish, ammo hozirgi vaziyatda u qolishdan ko‘ra klubni tark etish ehtimoli yuqoriroq.

Shu bois, Roberto unga bir qancha jamoalar qiziqish bildirayotgan MLS'ga ketish haqida o‘ylamoqda. Shuningdek, "Barselona" tarbiyalanuvchisiga Yevropa klublari ham qiziqish bildirmoqda.

Avvalroq Roberto "Barselona" bilan 2024 yilgacha mo‘ljallangan yangi shartnoma imzolagani haqida xabar berilgandi.

Yarim himoyachi joriy mavsumda La Ligada 9 ta o‘yinda maydonga tushib, 2 ta gol urdi va bitta golli uzatmani amalga oshirdi.