Жамоа билан шартномаси мавсум охирида тугайдиган "Барселона" ярим ҳимоячиси Серхи Роберто фаолиятини давом эттириш учун турли вариантларини кўриб чиқмоқда. Бу ҳақда Marca хабар бермоқда.
Манбага кўра, 30 ёшли Роберто учун устувор вазифа "Барселона"да қолиш, аммо ҳозирги вазиятда у қолишдан кўра клубни тарк этиш эҳтимоли юқорироқ.
Шу боис, Роберто унга бир қанча жамоалар қизиқиш билдираётган MLS'га кетиш ҳақида ўйламоқда. Шунингдек, "Барселона" тарбияланувчисига Европа клублари ҳам қизиқиш билдирмоқда.
Аввалроқ Роберто "Барселона" билан 2024 йилгача мўлжалланган янги шартнома имзолагани ҳақида хабар берилганди.
Ярим ҳимоячи жорий мавсумда Ла Лигада 9 та ўйинда майдонга тушиб, 2 та гол урди ва битта голли узатмани амалга оширди.
