Pro-liganing 1-turidan o‘rin olgan "Sho‘rtan" - "Turon" (1:2) uchrashuvidan so‘ng mezbonlar bosh murabbiyi Asror Aliqulov matbuot anjumanida ishtirok etdi
- Bugungi uchrashuvga "Turon" jamoasining kuchli tomonlarini, o‘yin uslubini o‘rganib chiqqan xolda reja tuzgandik. Afsuski, raqib darvozasiga gol kiritganimizdan so‘ng futbolchilarimiz bo‘shashib qolishdi. O‘yin yakuniga qadar bir xil tempda o‘ynay olmadik. Shu sababdan "Turon" ikkita gol kiritdi deb o‘ylayman. G‘alaba qozona turib yakunda durang ham emas, mag‘lubiyatga uchradik.
Mehmonlar darvozasiga gol kiritganimizdan so‘ng futbolchilarga o‘yin tempini tushirish bo‘yicha ko‘rsatma berganimiz yo‘q. Aksincha biz ko‘proq to‘p nazoratiga urg‘u qaratmoqchi edik. Lekin o‘yin davomida bunday bo‘lmadi, biz ko‘p vaziyatlarda to‘pni yo‘qotib qo‘ydik, yakka kurashlarni boy berdik. Umumiy aytganda, yomon o‘yin o‘tkazmadik.
Tarkibga jamoamizda o‘ynashni istagan futbolchilarni jalb etdik. Bugungi o‘yindagi mag‘lubiyat hozir hech narsani anglatmaydi. Jamoamiz yuqori o‘rinlar uchun kurasha olishiga ishonaman. Hozirgi tarkibimiz chempionatdagi boshqa jamoalardan kam emas, biz chempionat davomida albatta yuqori o‘rinlar uchun kurashamiz.
