«Arsenal» yarim himoyachisi Martin Edegor «kanonirlar»ning sobiq futbolchisi Mesut O‘zil bilan solishtirilgani haqidagi fikrlari bilan o‘rtoqlashdi.

 «Men o‘zimni boshqa futbolchilar bilan solishtirishni yoqtirmayman, lekin O‘zil bilan solishtirishni iltifot sifatida qabul qilaman. Men doim uni hurmat qilganman. O‘zil yoshligimda eng sevimli o‘yinchilarimdan biri edi», - deya Edegorning so‘zlarini keltiradi TV2.

 23 yoshli futbolchi joriy mavsumda APLda 23 ta o‘yinda maydonga tushib, 5 ta gol va 3 ta golli uzatmani amalga oshirdi.

 Eslatib o‘tamiz, O‘zil 2013-2021 yillarda «Arsenal»da o‘ynagan. Germaniyalik yarim himoyachi «kanonirlar» safida 184 ta o‘yinda maydonga tushib, 33 ta gol urishga erishgan.