«Арсенал» ярим ҳимоячиси Мартин Эдегор «канонирлар»нинг собиқ футболчиси Месут Ўзил билан солиштирилгани ҳақидаги фикрлари билан ўртоқлашди.

 «Мен ўзимни бошқа футболчилар билан солиштиришни ёқтирмайман, лекин Ўзил билан солиштиришни илтифот сифатида қабул қиламан. Мен доим уни ҳурмат қилганман. Ўзил ёшлигимда энг севимли ўйинчиларимдан бири эди», - дея Эдегорнинг сўзларини келтиради TV2.

 23 ёшли футболчи жорий мавсумда АПЛда 23 та ўйинда майдонга тушиб, 5 та гол ва 3 та голли узатмани амалга оширди.

 Эслатиб ўтамиз, Ўзил 2013-2021 йилларда «Арсенал»да ўйнаган. Германиялик ярим ҳимоячи «канонирлар» сафида 184 та ўйинда майдонга тушиб, 33 та гол уришга эришган.