"Vest Xem" "Udineze" hujumchisi Jerar Deulofeuga qiziqish bildirmoqda.
Calciomercato xabariga ko‘ra, ingliz klubi allaqachon 27 yoshli futbolchi uchun Italiya jamoasiga taklif bilan chiqqan. "Bolg‘achilar" futbolchini 2022/23 yilgi mavsum uchun sotib olmoqchi.
Deulofeu avvalroq APLda “Everton” va “Uotford” kabi klublarda o‘ynagan.
2021/22 yilgi mavsumda hujumchi “Udineze” safida barcha turnirlar doirasida 24 ta o‘yinda maydonga tushib, 8 ta gol urdi va 2 ta golli uzatmani amalga oshirdi.
Deulofeuning klub bilan shartnomasi 2024 yilning 30 iyuniga qadar amal qiladi.
