Tyerri Anri Lionel Messining psixologik salomatligi uning "PSJ"dagi o‘yiniga ta’sir qilishi mumkinmi, degan savolga javob berdi.

"Biz undan bu haqda so‘rashimiz kerak. Men uning nomidan gapira olmayman.

Biroq, biz Messi yoki Neymar, ya’ni ajoyib futbolchilar haqida gapirganda, bu jihatni ham unutamiz.

Lionel "Barselona"ni tark etar ekan, yig‘lab yubordi. Bu uning rejalarining bir qismi emas edi. Klubni hech qachon tark etmayman deb o‘ylaganingizda va birdaniga shunday bo‘lib qolsa, bu hissiy shokni keltirib chiqaradi", dedi sobiq hujumchi.