Braziliyalik himoyachi Rafael yetti yilni "Manchester Yunayted"da o‘tkazdi, ammo Lui van Gal 2014 yilning yozida u yerga kelganida, braziliyalik o‘z vaqti tugaganini tushundi.

"Van Gal “Manchester Yunayted”ni boshqarishi ma’lum bo‘lgach, birdaniga bir nechta do‘stlarim qo‘ng‘iroq qilib, braziliyalik futbolchilarni yoqtirmasligini aytishdi. Birinchi bo‘lib sizni haydab chiqaradi, deyishadi. To‘g‘risi, birinchi o‘yinda bu sodir bo‘lmadi, ikkinchi martada esa u menga chiqish eshiklarini ko‘rsatdi.

Men quloqlarimga ishonmadim - men uning qarshisida maydonga ham chiqmadim va u allaqachon men bilan xayrlashishga qaror qilgan edi! Rayan Giggz meni himoya qilishga urindi, biroq van Gal “bu mavsumda o‘ynamaysiz” deb qo‘shib qo‘ydi. Van Gal men bilan birga ishlagan eng yomon odamlardan biri", - deya Rafael so‘zlarini keltirmoqda The Athletic.