Germaniya Bundesligasining 25-turidan o‘rin olgan uchrashuvda Frankfurtning «Ayntraxt» jamoasi o‘z maydonida «Gerta»ni yirik hisobda mag‘lub etdi – 4:1. Uchrashuvdagi ilk golni Ansgar Knauff kiritdi — bu 20 yoshli yarim himoyachining «Ayntraxt» bilan Bundesligadagi ilk goli hisoblanadi. Knauff «Ayntraxt»ning Bundesliga tarixida klub libosida gol urgan 269-futbolchi bo‘ldi.
Jamoa safida gol urgan futbolchilar soni bo‘yicha frankfurtliklar Germaniya chempionatlari tarixida birinchi o‘ringa chiqib olishdi, ular «Shalke» va «Shtutgart»dan o‘zib ketishdi. Ushbu klublarning 268 nafar futbolchisi chempionatda gol urgan. «Gamburg»da 257 futbolchi gol urgan bo‘lsa, Dortmundning «Borussiya» jamoasi kuchli beshliknii yopib beradi - 249 futbolchi.
