Германия Бундеслигасининг 25-туридан ўрин олган учрашувда Франкфуртнинг «Айнтрахт» жамоаси ўз майдонида «Герта»ни йирик ҳисобда мағлуб этди – 4:1. Учрашувдаги илк голни Ансгар Кнауфф киритди — бу 20 ёшли ярим ҳимоячининг «Айнтрахт» билан Бундеслигадаги илк голи ҳисобланади. Кнауфф «Айнтрахт»нинг Бундеслига тарихида клуб либосида гол урган 269-футболчи бўлди.

Жамоа сафида гол урган футболчилар сони бўйича франкфуртликлар Германия чемпионатлари тарихида биринчи ўринга чиқиб олишди, улар «Шальке» ва «Штутгарт»дан ўзиб кетишди. Ушбу клубларнинг 268 нафар футболчиси чемпионатда гол урган. «Гамбург»да 257 футболчи гол урган бўлса, Дортмунднинг «Боруссия» жамоаси кучли бешликнии ёпиб беради - 249 футболчи.