"Inter" Argentina futbol assosiasiyasini mart oyi oxirida Argentinada bo‘lib o‘tadigan Jahon chempionati saralash bosqichi uchun Lautaro Martines va Xoakin Korreani tanlamaslikka ishontirishga umid qilmoqda.
Neradzurrilar 3 aprel kuni A Seriyada "Yuventus"ga qarshi bahs olib borishadi va ular argentinalik futbolchilarning "Byankoneri"ga qarshi o‘yinga puxta tayyorgarlik ko‘rishlarini afzal ko‘rishadi.
Tuttosport xabariga ko‘ra, "Inter" Lautaro va Korreani Italiyada qoldirishi uchun Argentina rasmiylari bilan uchrashmoqchi. Ular Argentina JCH-2022 yo‘llanmasini qo‘lga kiritgan, qolgan ikki o‘yin natijasi unchalik muhim emasligini aytib, o‘z pozisiyasini oqlashga harakat qiladi.
