"Интер" Аргентина футбол ассоциациясини март ойи охирида Аргентинада бўлиб ўтадиган Жаҳон чемпионати саралаш босқичи учун Лаутаро Мартинес ва Хоакин Корреани танламасликка ишонтиришга умид қилмоқда.
Нерадзуррилар 3 апрель куни А Серияда "Ювентус"га қарши баҳс олиб боришади ва улар аргентиналик футболчиларнинг "Бянконери"га қарши ўйинга пухта тайёргарлик кўришларини афзал кўришади.
Tuttosport хабарига кўра, "Интер" Лаутаро ва Корреани Италияда қолдириши учун Аргентина расмийлари билан учрашмоқчи. Улар Аргентина ЖЧ-2022 йўлланмасини қўлга киритган, қолган икки ўйин натижаси унчалик муҳим эмаслигини айтиб, ўз позициясини оқлашга ҳаракат қилади.