Londonning "Tottenxem" klubi "Everton" darvozasiga javobsiz beshta gol urdi va bu uning ustozi Antonio Konteni juda xursand qildi. Konte endi qolgan o‘yinlardan ko‘proq narsani kutmoqda. Uning fikricha, "Tottenxem" turnir jadvalida to‘rtinchi o‘ringa ko‘tarilishi mumkin. Jamoa ayni damda yettinchi o‘rinni egallab turibdi.
"Kuchli to‘rtlikdan joy olish uchun kurashmoqchimiz. Biz kuchaymoqdamiz. Albatta, bu oson bo‘lmaydi, lekin siz shuhratparast bo‘lishingiz kerak. Mening umidlarim ortib bormoqda. Endi jamoaga ishonchim ko‘proq, Kulushevski va Bentakur bizga qo‘shilishdi, ular jamoani mukammal tarzda to‘ldirishdi", - dedi Konte.
