«Real Madrid» va Germaniya terma jamoasining sobiq yarim himoyachisi Sami Xedira «Barselona»ni o‘zi ko‘rgan eng buyuk klub deb hisobladi.
«Men Madrid o‘yinchisi bo‘lsam-da, aytishim mumkinki, 2010 yilgi «Barselona» men ko‘rgan eng yaxshi jamoa edi», — deydi Xedira The Gab & Juls Show nashriga.
2010 yilda «Barselona» bosh murabbiyi Xosep Gvardiola qo‘l ostida Ispaniya chempionati, Ispaniya Superkubogi, UYEFA Superkubogi va klublar o‘rtasidagi jahon chempionatida g‘olib chiqdi va Chempionlar ligasida yarim finalda o‘ynagan. Jamoa tarkibida Viktor Valdes, Dani Alves, Jerard Pike, Karles Puyol, Erik Abidal, Xavi, Andres Inyesta, Serxio Buskets, Yaya Ture, Zlatan Ibragimovich, Lionel Messi, Tyerri Anri va boshqa yulduzlar to‘p tepgan.
