Chempionlar ligasi 1/8 final javob o‘yini oldidan «Manchester Siti» bosh murabbiyi Xosep Gvardiola Kayl Uokerning diskvalifikaciyas«haqida fikr bildirdi.
«U ahmoqona ish qildi. U bunga loyiq edi, men hamon undan juda g‘azabdaman», — deydi Pep.
Himoyachi guruh bosqichining so‘nggi turidagi «RB Leypsig»ga qarshi o‘yinda qizil kartochka oldi. Keyinroq UYEFA tartib-intizom qo‘mitasi Uokerni uchta o‘yinga diskvalifikasiya qildi.
Agar, «Siti» Portugaliyaning «Sporting» klubini mag‘lub etib, keyingi bosqichga chiqsa, futbolchi chorak finalning birinchi o‘yinini ham o‘tkazib yuboradi.
Portugaliyaliklar bilan kechgan ilk o‘yin 5:0 hisobida «shaharliklar» foydasiga hal bo‘lgandi.
