«Manchester Siti» darvozaboni Ederson Chempionlar ligasi 1/8 finali javob o‘yini oldidan jurnalistlarga jamoa joriy mavsum treblni qo‘lga kiritishga qodir ekanligiga ishonishini aytdi.

«Biz bu qanchalik qiyinligini bilamiz, lekin bizda ajoyib o‘yinchilar bor va biz bu mavsum trebl qayd etmoqchimiz . O‘ylaymanki, biz bu maqsadga erisha olamiz», - deydi «shaharliklar» darvozaboni.

Ederson shuningdek, yarim himoyachi Fernandinyoning «Siti» o‘yiniga ta’siri haqida ham gapirdi.

«U yosh futbolchilarga yo‘l-yo‘riq ko‘rsatadi, qolganlarini esa qo‘llab-quvvatlaydi. U bizga ko‘p yordam beradi, biz uning jamoa uchun qanchalik muhimligini bilamiz. U sardorlikdan ko‘ra ko‘proq, u klubning asosiy figurasi», - deydi Ederson.

1/8 final javob uchrashuvida «Manchester Siti» Lissabonning «Sporting» jamoasiga qarshi bahs olib boradi. Birinchi o‘yin 5:0 hisobida «shaharliklar» foydasiga hal bo‘lgandi.