«Манчестер Сити» дарвозабони Эдерсон Чемпионлар лигаси 1/8 финали жавоб ўйини олдидан журналистларга жамоа жорий мавсум треблни қўлга киритишга қодир эканлигига ишонишини айтди.

«Биз бу қанчалик қийинлигини биламиз, лекин бизда ажойиб ўйинчилар бор ва биз бу мавсум требл қайд этмоқчимиз . Ўйлайманки, биз бу мақсадга эриша оламиз», - дейди «шаҳарликлар» дарвозабони.

Эдерсон шунингдек, ярим ҳимоячи Фернандиньонинг «Сити» ўйинига таъсири ҳақида ҳам гапирди.

«У ёш футболчиларга йўл-йўриқ кўрсатади, қолганларини эса қўллаб-қувватлайди. У бизга кўп ёрдам беради, биз унинг жамоа учун қанчалик муҳимлигини биламиз. У сардорликдан кўра кўпроқ, у клубнинг асосий фигураси», - дейди Эдерсон.

1/8 финал жавоб учрашувида «Манчестер Сити» Лиссабоннинг «Спортинг» жамоасига қарши баҳс олиб боради. Биринчи ўйин 5:0 ҳисобида «шаҳарликлар» фойдасига ҳал бўлганди.