Yevropaning bir qator top-klublari “Sassuolo” hujumchisi Domeniko Berardiga qiziqish bildirmoqda. Jurnalist Nikolo Skiraning xabar berishicha, Italiya klubi futbolchi bilan 30 million yevro evaziga xayrlashishga tayyor.
Italiya terma jamoasi futbolchisi uchun kurashda “Milan” va “Napoli” favorit deb qaralmoqda. Shuningdek, "Lester" va "Arsenal" ham kurashda mavjud.
Berardining "Sassuolo" bilan amaldagi shartnomasi 2024 yilning 30 iyuniga qadar tuzilgan.
Joriy mavsumda 27 yoshli yarim himoyachi klub safida barcha turnirlar doirasida 26 ta o‘yinda maydonga tushib, 12 ta gol urdi va 14 ta golli uzatmani amalga oshirdi.
