Европанинг бир қатор топ-клублари “Сассуоло” ҳужумчиси Доменико Берардига қизиқиш билдирмоқда. Журналист Николо Скиранинг хабар беришича, Италия клуби футболчи билан 30 миллион евро эвазига хайрлашишга тайёр.
Италия терма жамоаси футболчиси учун курашда “Милан” ва “Наполи” фаворит деб қаралмоқда. Шунингдек, "Лестер" ва "Арсенал" ҳам курашда мавжуд.
Берардининг "Сассуоло" билан амалдаги шартномаси 2024 йилнинг 30 июнига қадар тузилган.
Жорий мавсумда 27 ёшли ярим ҳимоячи клуб сафида барча турнирлар доирасида 26 та ўйинда майдонга тушиб, 12 та гол урди ва 14 та голли узатмани амалга оширди.
