Dortmundning “Borussiya” klubi hujumchisi Erling Xoland faoliyatini Ispaniyada davom ettirish niyatida. Sport.es xabariga ko‘ra, u "Barselona"ga o‘tishga intilmoqda.

Oldinroq Kataloniya klubi prezidenti 21 yoshli norvegiyalik futbolchiga qiziqish haqidagi xabarga izoh berishdan bosh tortgandi.

Joriy mavsumda Xoland “Borussiya” safida 20 ta o‘yinda maydonga tushib, 23 ta gol urdi va 5 ta golli uzatmani amalga oshirdi. Hujumchining Dortmund klubi bilan shartnomasi 2023 yilning 30 iyuniga qadar mo‘ljallangan.

Transfermarkt.com portali norvegiyalik futbolchining narxini 150 million yevroga baholamoqda.