Дортмунднинг “Боруссия” клуби ҳужумчиси Эрлинг Холанд фаолиятини Испанияда давом эттириш ниятида. Sport.es хабарига кўра, у "Барселона"га ўтишга интилмоқда.
Олдинроқ Каталония клуби президенти 21 ёшли норвегиялик футболчига қизиқиш ҳақидаги хабарга изоҳ беришдан бош тортганди.
Жорий мавсумда Холанд “Боруссия” сафида 20 та ўйинда майдонга тушиб, 23 та гол урди ва 5 та голли узатмани амалга оширди. Ҳужумчининг Дортмунд клуби билан шартномаси 2023 йилнинг 30 июнига қадар мўлжалланган.
Transfermarkt.com портали норвегиялик футболчининг нархини 150 миллион еврога баҳоламоқда.