"Manchester Yunayted" yarim himoyachisi Pol Pogba yozda "Yuventus"ga o‘tishi mumkin. Jurnalist Rudi Galettining xabar berishicha, Turin klubi allaqachon 28 yoshli fransiyalik futbolchiga shartnoma taklifini yuborgan.
Turin klubidagi futbolchining maoshi mavsumiga 9 million yevroni tashkil qilishi mumkin. Yana 3 millionni bonus sifatida olishi ham mumkin.
Yarim himoyachining "qizil iblislar" bilan amaldagi shartnomasi 2022 yilning yoziga qadar mo‘ljallangan. Futbolchi ingliz jamoasi bilan shartnomani uzaytirishga hozircha shoshilmayapti.
Joriy mavsumda yarim himoyachi “Manchester Yunayted” safida 21 ta o‘yinda maydonga tushib, 1 ta gol urdi va 9 ta golli uzatmani amalga oshirdi.
