"Манчестер Юнайтед" ярим ҳимоячиси Поль Погба ёзда "Ювентус"га ўтиши мумкин. Журналист Руди Галеттининг хабар беришича, Турин клуби аллақачон 28 ёшли франциялик футболчига шартнома таклифини юборган.
Турин клубидаги футболчининг маоши мавсумига 9 миллион еврони ташкил қилиши мумкин. Яна 3 миллионни бонус сифатида олиши ҳам мумкин.
Ярим ҳимоячининг "қизил иблислар" билан амалдаги шартномаси 2022 йилнинг ёзига қадар мўлжалланган. Футболчи инглиз жамоаси билан шартномани узайтиришга ҳозирча шошилмаяпти.
Жорий мавсумда ярим ҳимоячи “Манчестер Юнайтед” сафида 21 та ўйинда майдонга тушиб, 1 та гол урди ва 9 та голли узатмани амалга оширди.
