Fransiyaning "PSJ" klubi futbolchisi Danilu Pereyra Chempionlar ligasining 1/8 final doirasida «Real» jamoasiga qarshi bo‘lib o‘tadigan o‘yin haqida fikr bildirdi.
“O‘ylaymanki, tayyorgarligimiz juda yaxshi. "Real"ni hisobdan chiqarmaslik kerak, lekin biz juda yaxshimiz. Bugungi o‘yin birinchi bellashuvdan ko‘ra butunlay farq qiladi. Biz diqqatimizni jamlagan bo‘lishimiz va xuddi o‘tgan safargidek taktik jihatdan yaxshi o‘ynashimiz kerak.
O‘zimizga bo‘lgan ishonch yuqori. Chunki bizda kerakli sifat borligini bilamiz. Biz qilgan va qila oladigan hamma narsaga ishonchimiz komil. Buning sharofati bilan o‘ynashimiz va o‘zimizga ishonch hosil qilishimiz osonroq.
"Real"ning hisobni yo‘qqa chiqarishiga harakat qilishini ko‘ramiz. Ular g‘alaba qozonishga intilishadi va bu butunlay boshqacha "Real" bo‘ladi. Shunday ekan, o‘yin oldingisiga qaraganda ancha ochiqroq bo‘ladi. Biz bunga tayyormiz. Bizda esa "Real"ni mag‘lub etish uchun qurol bor” - dedi Pereyra France Bleu nashri bilan suhbatda.
