Superliganing 2-turidan o‘rin olgan "Nasaf" - "Metallurg" (1:1) uchrashuvidan keyin o‘tkazilgan matbuot anjumanida dastavval mehmonlar jamoasi bosh murabbiyi Luisma Ernandes jurnalistlarni qiziqtirgan savollariga javob qaytardi.

"Bugun juda ham qiyin o‘yin bo‘ldi. Shunday bo‘lishini oldindan bilgandik va tayyorgarlik ko‘rgandik. Mavsumdagi ilk o‘yinimizni O‘zbekistonning eng kuchli klublaridan biriga qarshi o‘tkazdik. Yigitlar oxirigacha kurashishdi va iroda ko‘rsatishdi. So‘nggi daqiqalarda xarakter namoyish etib, barchamizni xursand qilishdi", - dedi Luisma Ernandes.

- "Nasaf" haqida nima deya olasiz?
- O‘zbekistonning eng yaxshi jamoalardan biri deb bilaman. O‘z o‘yin uslubi bilan boshqalardan ajralib turadi.
- O‘yindan oldin qanday natija kutgandingiz?
- Uchrashuv og‘ir kechishini bilardik. Ikkala jamoa o‘z maqsad vazifasi yo‘lida ishiga professional tarzda yondoshdi.
- O‘yin davomida jamoa sardorini almashtirdingiz. Buning sababi nimada?
- Fozil Musayev ajoyib futbolchi, faqat o‘yin davomidagi taktik o‘zgarishni amalga oshirishimiz kerak edi. Maydonga o‘yin tempni oshirish uchun yangi kuchlarni tashladik.
- "Metallurg" o‘yin davomida tartibli himoyalandi, gol o‘tkazib yuborgach, hujumga o‘tdi va gol urishni ham uddalashini ko‘rsatdi. Nima uchun bugun himoyaviy taktika tanlandi?
- Raqibga qarab taktika tanlaymiz. Bugun kuchli jamoaga qarshi o‘ynaganligimiz sababli, qarshi hujum taktikasiga tayandik. Bu o‘z samarasini berdi. Urgan golimiz tanlagan taktikamiz samarasi bo‘ldi.
- Uchrashuvga 7 daqiqa qo‘shib berilganiga munosabatingiz qanday?
- Men 4-5 daqiqa qo‘shib berilsa kerak, deb o‘ylagandim. Ammo o‘yin davomida ko‘p to‘xtalishlar bo‘ldi. Shu boisdan ham hakamning qaroriga munosabatim ijobiy.
- "Nasaf"ning OCHLdagi imkoniyatini qanday baholaysiz?
- O‘zbekiston futbolini dunyoga tanitishda "Nasaf"ga omad tilayman.