Fransiya matbuotining yozishicha, Maurisio Pochettino joriy mavsum oxirigacha "PSJ"da ishlashda davom etadi. Nosir Al-Xelayfi yaqin kelajakda argentinalik murabbiyni istefoga chiqarmoqchi emas.
Eslatib o‘tamiz, "PSJ" Chempionlar ligasidan chiqib ketdi. Parijliklar "Real Madrid"ga safarda mag‘lub bo‘lishdi va 1/8 final bosqichidayoq musobaqani tark etishdi.
O‘yindan so‘ng "PSJ" prezidenti hakamlar xonasiga bostirib kirishga urindi. Parijliklar hakamning uchrashuv natijasiga ta’sir qilganiga amin.
