Turinning «Yuventus» klubi «Sevilya» futbolchisi Lukas Okamposning transferiga qiziqish bildirmoqda, ammo 27 yoshli futbolchining transferining amalga oshishi juda qiyin kechishi mumkin.

Calciomercato nashri xabariga ko‘ra, transfer borasida muzokaralar allaqachon boshlangan.

Ammo «Sevilya» Okampos uchun 70 million yevro talab qilmoqda.

Okampos «Sevilya»ning asosiy o‘yinchilaridan biri. Joriy mavsumda u 20 ta o‘yin o‘tkazib, 5 ta gol urdi. Oldinroq OAV Okamposga «Arsenal» qiziqish bildirayotgani haqida xabar bergandi.