“Inter” klubi hujumchi Aleksis Sanches bilan xayrlashishga tayyor, deya xabar beradi Calciomercato.

33 yoshli chililik futbolchining shartnomasida tovon puli 4 million yevro bo‘lishiga qaramay, "neradzurrilar" klubdagi maosh miqdorini kamaytirish uchun futbolchini kamroq pulga sotishga tayyor.

Hujumchining “Inter” bilan shartnomasi 2023 yilning 30 iyuniga qadar amal qiladi. Transfermarkt ma’lumotlariga ko‘ra, forvardning bozor narxi 3,5 million yevroni tashkil qiladi.

Chililik futbolchi joriy mavsum A Seriyada 19 ta o‘yinda maydonga tushib, 2 ta gol urdi va 3 ta golli uzatmani amalga oshirdi.