“Интер” клуби ҳужумчи Алексис Санчес билан хайрлашишга тайёр, дея хабар беради Calciomercato.

33 ёшли чилилик футболчининг шартномасида товон пули 4 миллион евро бўлишига қарамай, "нерадзуррилар" клубдаги маош миқдорини камайтириш учун футболчини камроқ пулга сотишга тайёр.

Ҳужумчининг “Интер” билан шартномаси 2023 йилнинг 30 июнига қадар амал қилади. Transfermarkt маълумотларига кўра, форварднинг бозор нархи 3,5 миллион еврони ташкил қилади.

Чилилик футболчи жорий мавсум А Серияда 19 та ўйинда майдонга тушиб, 2 та гол урди ва 3 та голли узатмани амалга оширди.