"Barselona" hujumchisi Memfis Depayga "Tottenxem" qiziqish bildirmoqda. Bu haqda Sport nashri xabar berdi.
Manba bergan ma’lumotlarga ko‘ra, "shporlar" 28 yoshli niderlandiyalik futbolchi transferi uchun kataloniyaliklarga rasmiy taklif yuborishgan. Bu taklifning aniq summasi oshkor qilinmagan.
Eslatib o‘tamiz, Depay va "Barselona" o‘rtasidagi amaldagi shartnoma 2023 yilning iyun oyi oxirigacha tuzilgan. Transfermarkt portali Niderlandiya terma jamoasi a’zosini 45 million yevroga baholagan.