"Benfika" himoyachisi Nikolas Otamendi jamoaning Chempionlar ligasining chorak finaliga chiqqanidan so‘ng o‘z fikrlari bilan o‘rtoqlashdi.

1/8 final javob o‘yinida Lissabon klubi safarda “Ayaks”ni mag‘lub etdi – 1:0. Birinchi uchrashuv durang bilan yakunlangandi - 2:2.

“Biz oldinga harakat qilishimiz va katta narsalarni orzu qilishimiz kerak. Chempionlar ligasi - bu alohida turnir. Ajoyib jamoalar, ajoyib uchrashuvlar. Bugun biz juda zo‘r o‘ynadik", - deydi argentinalik futbolchi.

Bugun birgalikda yaxshi himoyalandik. "Ayaks"ga bo‘sh joy qoldirmaslik qanchalik muhimligini bilardik. Ularda juda zo‘r o‘yinchilar bor edi. Gol urgandan so‘ng himoyaviy o‘ynash va g‘alabani saqlab qolish yanada muhimroq edi. Muvaffaqiyatga erishganimizdan nihoyatda xursandmiz", - deya Otamendi.