"Tottenxem" bosh murabbiyi Antonio Konte jamoasi hujumchisi Xarri Keynni Angliya Premyer-ligasida mehmondagi gollar soni bo‘yicha rekordchi bo‘lgani bilan tabrikladi.
“Men Keyn uchun xursandman, chunki u har bir o‘yinda juda ko‘p imkoniyatlarga ega va jahon toifasidagi forvard sifatida u doimiy ravishda gol ura oladigan jamoada o‘ynash imkoniyatidan zavqlanadi. O‘ylaymanki, Xarri o‘z faoliyatida nimadir yutishga loyiq edi, chunki u fantastik futbolchi", - deya Konte so‘zlarini keltiradi BBC Sport.
Kecha APL 16-turidan o‘rin olgan "Brayton"ga qarshi qoldirilgan o‘yinda (2:0) Keyn gol urdi va liga tarixidagi safar o‘yinlarida eng ko‘p gol urgan futbolchiga aylandi. Hujumchi safarda 139 ta o‘yinda 95 ta gol urgan.
Avvalgi rekord “Manchester Yunayted”ning sobiq hujumchisi Ueyn Runiga tegishli bo‘lib, u safarda 243 ta o‘yinda 94 ta gol urgan edi.