"Liverpul" rahbarlari yozda "Manchester Yunayted" hujumchisi Markus Reshfordni o‘z jamoasiga qo‘shib olmoqchi.

Manchester Evening News xabariga ko‘ra, mersisaydliklar vakillari allaqachon 24 yoshli angliyalik futbolchining agentlari bilan transfer borasida gaplashib olishgan. Shuningdek, Reshford xizmatlariga "Barselona" ham qiziqish bildirmoqda, biroq hujumchining o‘zi hali "qizil iblislar"ni tark etishni istamayapti. Markus va mankunianliklar o‘rtasidagi amaldagi shartnoma 2023 yilning yoziga qadar amal qiladi.

Joriy mavsumda Markus Reshford Angliya chempionatida 19 ta o‘yin o‘tkazib, 4 ta gol va 2 ta golli uzatmaga mualliflik qilgan.