"Ливерпуль" раҳбарлари ёзда "Манчестер Юнайтед" ҳужумчиси Маркус Рэшфордни ўз жамоасига қўшиб олмоқчи.
Manchester Evening News хабарига кўра, мерсисайдликлар вакиллари аллақачон 24 ёшли англиялик футболчининг агентлари билан трансфер борасида гаплашиб олишган. Шунингдек, Рэшфорд хизматларига "Барселона" ҳам қизиқиш билдирмоқда, бироқ ҳужумчининг ўзи ҳали "қизил иблислар"ни тарк этишни истамаяпти. Маркус ва манкунианликлар ўртасидаги амалдаги шартнома 2023 йилнинг ёзига қадар амал қилади.
Жорий мавсумда Маркус Рэшфорд Англия чемпионатида 19 та ўйин ўтказиб, 4 та гол ва 2 та голли узатмага муаллифлик қилган.